JUNLAJUN MEEYAJ: U K'AALAL MEEYAJ TI' DIPLOMADO MAAYAJ T'AAN YÉETEL KA'ANSAJO'OB WAYIL XOOKE'.( SESION 11: APORTACION FINAL DEL DIPLOMADO EN LENGUA MAYA CON DOCENTES DE EDUCACIÓN INDÍGENA.)

           Te’  diplomado  maaya,  junp’eel  xooki  jach  máalob,  tumen  ya’a  ba’ax  xíixtabí,  bey  xaan  kanají.  Xak’alta  le  áanalte’  u  k’aaba  parámetros curriculares,  tu’ux  ku  tsolikto’on  tu  láakal  ba’ax  k’aabet  u  k’ajoltik   juntu’ul   ka’ansaj,  ti’al  ka  pajchak  u  meentik  máalob  meyaj,  tu  láakal  ba’ax  k’aabet   táakbesik  xaan  ichil  le  meyaj  yéetel  le  káambalo’obo. Le  marcos  curricularesó  ku  ya’ik  xaan  bix  jach  k’ana’an  k’ajoltik  le  kajtalil  tu’ux  k meyajó,  ba’ax  suukili  yaantí,  ti’al  beyó  ajka’ansajon  máasewale,  muk’ankunsik  u  mi’atsilil,  y’eetel  ma’  u  tuubsa’al  le  maaya  t’aano.

           Lebetik  k’aabet  káasik  meyaj,  ti’  le  ba’ax  yoojel  le  palalo’obo,  le  ba’ax  yan  tu  bak’pachiló;  bix  u  much’talilo’ob,  bix  u  kajtalilo’ob,  bix  u  jelkuba’ob,  bix  u  t’aano’ob,  ba’ax u  suukilo’ob,  tu  láakal  leló  juntu’ul  ajka’ansaje  k’aabet  u  k’ajoltik.

          Bey  xaan  te’  diplomado t-kaanaj  bix  ken  meentí  le  tuukulil  meyaj (proyectos)  ti’al meyaj  yéetel  le  káamlalo’obo  yéetel  le  na’tsilo’obo,  ti’al  muk’a’ankunsik  tu  láakal  ba’ax  t-xak’altaj  te  xookilá.

          U la’  ba’ax  t-kanaj  xaané  let’ie  túuxtik  meyaj  ich  blooger,  ka  ka’jo’ne  jach  talam,  ka’  ts’ook’e  sukchaj  n’aasik  le  meyajo’obo,  chen  bey  tuunó  tan  u  suktato’on le  meyaj te’  internetó.

          U  la’  ba’ax  sen  máalob  xaané,  leti’e  keex  tukul  meyaj  yéetel  le  ajka’ansajo’bo.  Ba’ax  jach  utschaj  tin  t’aané  leti’e  bix  u  meyaj  le  ka’ansaj  xBlanca,  tumen  jach  yoojel   u  yáant  máak.

          Tu  láakal ba’ax  tin  kaanajo’,  yaan  u  k’aabetaj  ten  ti’al  in  meyaj  ichil  u  kúuchil  le  xooko,  bey  xaan  le  ken  k’uuchuk  u  k’iinill  ken  p’íisko’ono,  ma’  in  wilik  jach  talam.

XROSAURA BALAM AVILA