ÓOXP’ÉEL XOOKIL: U ÉENALTE’EIL TS’ÍIBIL YÉETEL U ÚUCHBEN TSIKBALIL IN KAAJAL.
K’EEXO’OB
Ku tsikbatik le nojoch máakob tin kaajlo, úuché jach ku meentaál le k’eexó, bejla’e táan u tubsa’a.
Ya’ab bix u meenta’al, tumen ya’ab ba’ax ti’alik; yaan k’eex ti’al ts’ookobel, ti’al ookab, yaan k’eex ku ts’aabal , ti’ kili’ich , wa ti’ balmo’ob u yuumil k’aaxo’ob, wa u yuumil táankab, tu’ux kaja’an máak.
Lebetik le k’eexó ya’ab bix u meenta’al, wa ti’al a k’aatik u toj óolal a wal, ti’ le kili’ich, le tatatsil yéetel le na’atsiló yaan u bisiko’ob u yaal yéetel junp’eel k’eex ti’al u p’aatik, ti’ le kiilicho’.
Yaan xaan k’eex ku ts’aabal ti’ yuumil k’aax, tu’ux ka ts’aik u nipóolalil, tumen bintech máalobí ti’ a paak’al, leelo’ junp’eel meen k’uubik wa juntu’ul nojoch máak, leti’e ku ya’ala’a janlikool, wa uk’likool.
Bey xaan le u janlitánkabo’ ku k’uubú ti’al u bintech máalobi, ta kaajtalí, wa ti’al u ts’aakaj máak wa k’ooja’an.
Le ti’al le ts’ookobeeló, junp’eel tso’ ku bisa’aj ti’ u na’ le xch’uupal ts’ook u beelo’.
Ti’ ookabe’ juntu’ul tso’ ku bisa’aj ti’ le xkumal yéetel le kuumpaj.
Jejela’as k’eex yaan; yaane’ je’ máaxak k’uubike’, yaan xaané, jach k’aabet juntu’ul meen ken k’uubik, tumen yaan u k’aayik wa u kamat’aantik ti’al u ch’aach´íitik tu láakal u yuumil le k’axo’obó.
Le k’eexobó ku meenta’al ti’al u k’aata’aj u tojóolal máak, ti’al u yutstaj wa k’ooja’an, ti’al u bintech ma’alobí, wa ti’al u ts’aik u nip óolalí ti’ tu láakal ba’ax ts’ook a k’aamik.
TERCERA SESION. LITERATURA Y TESTIMONIOS HISTORICOS DE MI COMUNIDAD
Platica la gente mayor de mi pueblo, que antiguamente se hacía mucho el K’EEX pero ahora en día se está olvidando, muy poca gente lo hace.
El k’eex se hacía o se hace para diferentes ocasiones o motivos, de boda, bautizos, a los santos, a los dueños del monte o del terreno. Para pedir por la salud de los hijos, los papás tienen que llevar algo a cambio a un santo colgarle los milagritos o llevarle una veladora.
Tambien se hace el jaanlikol o el sakab a los aluxitos o dueños del terreno, como agradecimiento de la cosecha o para curar a alguien enfermo.
Para las bodas y bautizos , se les lleva un pavo a los padrinos a cambio del favor hecho, como un agradecimiento.
Para la entrega del K’EEX lo pueden hacer las personas mayores o el curandero llamado j-men quien se encarga de la entrega con rezos.
Como ya se dijo el K’EEX se hace para diferentes motivos, para pedir por la salud de alguien o para agradecerlo, . Para agradecer la cosecha recibida o para curar algún enfermo y para que te vaya bien. O bien para un agradecimiento.

ROSAURA BALAM AVILA

U  K’AALAL MEEYAJ  ÓOXP’EL  XOOK.

Te’  óoxp’el  xooka  ku  ya’ikto’on  bix  jach  k’aabet  kaaxtik  yéetel  kalantik,  le  úuchben  tsíkbalo’obo  yan te’  chan  kajtalilo’obo;   lebetik  to’on   ajkansajo’one  le  meeyaj  kmeentik  ichil  u  naajil  e  xooko  yaan  ktáakbesik   le  mejen  palalo’obo  yéetel  le  na’ tsilobó,  ti’al  ma’  kcha’ik  u sa’atal  tu  láakal  le  ba’ax  jach  jats’ust  yaan   ti’  le  miaatsiló.

CONCLUSION DE LA TERCERA SESION.

En esta tercera sesión nos menciona la importancia de rescatar y preservar las tradiciones orales de nuestros pueblos;  y nosotros como maestros tenemos esa labor para  llevarlo a cabo en nuestras aulas, pero sin poner a un lado a nuestros padres de familia, ya que con la ayuda de ellos podremos rescatar  toda la riqueza cultural, para que no se vaya perdiendo.

X-ROSAURA BALAM AVILA.