TS’O’OK TS’ÍIB LAJUN XOOK SILVIA HERRERA DZUL

TS’O’OK TS’ÍIB LAJUN XOOK SILVIA HERRERA DZUL

Le jejeláas tsikbalo’ob jach k’aabet óosik ti le meyajo’ kbeetik ichil le kuchil le xook tumen le mejen páalalo’ob séeb u kambalo’ob tumen uts ti yiicho’ob úuyiko’ob, le ajka’ansajo’ob k’aabet xooko’ob ti le mejen xooknalo’ob waj u ya’ax t’aan káastran taani ich káastran chen baale’ jujump’iit ku óoksik le maaya t’aan, wal maaya t’aan u ya’ax t’aan, le ajka’ansaj yaan óoksik jujump’iit le káastran t’aan.

Beelae yaan le áanalte’ tu’ux ts’íibtan jejeláas tsikbalo’ob, ti u kuchil áanalteo’ob páajtal kaaxte’ex ma’ jech k’aachi mina’an áanalteo’ob, waj mina’an ti a kuchil xook je a páajtaal k’aat chi’ ti le nojoch máako’ob ti’al a tsikbatik ti a mejen xooknalo’ob.

Ten óoki tuuklik yaan in k’aat chi’ ti le nojoch máako’on ti le kaaj Bacabchén tak ti in kaaj tu’ux in kuxtal u k’aabaj Bécal ti’al in ts’íibtik tumen beeyo’ kmeentik maálo’ob in meyaj tak je u páajtal muuk’aankunsik le maaaya t’aan.