Málo'ob áak'ab in weet ka'ansaje'ex, jach k'iimak in wóol, tin wíilik ta p'iisbate'ex a wóokle'ex ti' le bloggera', tan xan a ts'íibe'ex ich maaya t'aanil, bey xan a tsolike'ex ba'ax a wóojle'ex yóolal a meyaje'ex, beyo' taan k beyku'unsik le báaxo'ob ku k'áata'al ti' le diplomadoa'.
u láak' ba'ax xan in k'aat in k'eet óolte'exe' , leti' u yorail ka ts'ayike'ex ti'al a tíip'le'ex ti' le múuchtal meyaj k beetike'ex jun sabadoilo'.
in wóoje'el tu láakalo'on yaan u láak' ba'axo'ob ku t'aakpajal k'aabet beetik, chan báalike' le xooka bey xan u núukulil ku ts'aik to'on ti'al ka utsak máansike'ex le p'íisilo'ob ku táal ti' le k'iino'oba', ma' a wíilike'ex wa jump'éel ma'ansaj yorai', tumen bix tu yáala'aj juntúul xk'ansaje' tsok u kaanik yáabkach báalo'ob, tsok u k'aóoltik yaan u áanalteilo'ob tu'ux ku yéesik u chimpóolil le ka'ansaj xook ich máaya t'aanil, yan xan jejeláas móolayilo'ob tu móokt'áanto'ob , ma' chen ka ´páatak tu jo'ol u núukil kambal xóoko'bi'.
bey tuno' le bloggera' jump'éel kúuchil tu'ux jeel k páajtale'ex kext'áantike'ex u yutsil k meyaje'ex yéetel kambal xooko'ob, wa' u chan yayajil xan, báale' chan beyo' jéel k múul áatikubae' ka páajchak k tóojkinsik k meeyaje'ex bix u yáalik u jéets t'aanil u juulbejil le méek'tan xook ti' le jaabo'oba'
kin payalt'antike'ex ´ma' u yéemel a wóole'ex , kóoxe'ex paklan xíimbal ka utsak túuchik yéetel múuk'a'ankunsik le waayil xooka
niib óol.
xsaak
0 comentarios:
Publicar un comentario